Шымкентте жас сақшылар волейбол алаңында бас қосты, - деп хабарлайды Polisia.kz.
Шымкент қаласында "Жас сақшы" мамандандырылған сыныптарының оқушылары арасында волейболдан спорттық жарыс ұйымдастырылды. Аталған іс-шара салауатты өмір салтын насихаттау, командалық өзара іс-қимылды дамыту, сондай-ақ жас ұрпақтың спорттық дайындығын арттыру мақсатында өткізілді.
Тартысты өткен жарыс адал бәсеке мен өзара құрметке негізделген достық атмосферада өтті. Жас спортшылар жоғары дайындық деңгейін, ұйымшылдықты және жеңіске деген жігерін көрсете білді.
Жарыс қорытындысы бойынша үздік нәтиже көрсеткен командалар алғыс хаттармен және естелік сыйлықтармен марапатталды.
Ұйымдастырушылардың айтуынша, мұндай спорттық шаралар жастардың бойында жауапкершілік, мақсаткерлік пен белсенді өмірлік ұстанымды қалыптастыруға ықпал етеді.
