СҚО бойынша ҚАЖ департаментінде үздік жасақ бастығы мен психолог таңдалды, – деп хабарлайды Polisia.kz.
Солтүстік Қазақстан облысы бойынша қылмыстық-атқару жүйесі департаменті ведомстволық бағынысты мекемелердің қызметкерлері арасында «Үздік жасақ бастығы» және «Үздік пенитенциарлық психолог» атақтарына конкурс ұйымдастырды. Бұл республикалық байқау алғаш рет 2018 жылы Астана қаласында ҚР ІІМ ҚАЖ комитетінің бастамасымен, содан кейін 2019 жылы Петропавл қаласының әйелдер колониясының қабырғасында және 2022 жылы ҚР ІІМ Ш.Қабылбаев атындағы Қостанай академиясында өткізілді. 3 жыл бойы Солтүстік Қазақстан облысының өкілдері 1 орынды иеленді.
Қазылар алқасы ретінде қылмыстық-атқару жүйесінің ардагерлері, М.Қозыбаев атындағы Солтүстік Қазақстан университетінің «Педагогика және психология» кафедрасының аға оқытушылары Татьяна Комкина мен Елена Гумель, сондай-ақ «Қазақстан тарихы және құқық» кафедрасының аға оқытушысы Қайрат Иманов шақырылды. Сонымен қатар тәжірибе алмасу аясында байқауға 30-ға жуық студент қатысты.
Қонақтар алдында департамент бастығы Мұрат Нәкенов құттықтау сөз сөйледі.
Жыл сайынғы кәсіби байқау жасақ бастықтары үшін бес кезеңнен және психологтар үшін сегіз кезеңнен тұрды:
– сәлемдесу;
– практикалық жұмысты ұйымдастыру және өткізу туралы бейнеролик;
– қазылар алқасы мүшелерінен тапсырма/ашық психологиялық практикум өткізу;
– теорияны білу емтиханы/психодиагностикалық және психоконсультациялық жұмыс;
– ситуациялық мәселені шешу;
– медициналық дайындық.
Әр кезеңде қызметкерлердің белгілі бір қасиеттері бағаланды. Конкурсты қорытындылау кезінде қазылар алқасы кәсіпқойлықты, сауаттылықты, сыртқы келбетті, шешім қабылдау жылдамдығы мен жауаптардың дұрыстығын, ұқыптылықты, ұйымдастырушылық қабілеттерді, ортақ тіл таба білу, жеңіске деген ерік-жігерді және шығармашылық қасиеттерді ескерді.
Қазылар алқасы мүшелерінің шешіміне сәйкес жүлделі номинациялар келесідей бөлінді:
– Үздік пенитенциарлық психолог – Данияр Шунгульшин, №66 мекеме;
– Үздік жасақ бастығы – Раушан Айсенова, №50 мекеме.
Байқау соңында Мұрат Нәкенов жеңімпаздарды жеке құттықтап, лайықты грамоталар мен кубоктарды табыстады. Сондай-ақ іс-шара қонақтары үшін №50 мекеме аумағы бойынша экскурсия және сотталғандар дайындаған концерт ұйымдастырылды.
