СҚО бойынша ҚАЖД мекемесінде сотталғандарға іс-шара ұйымдастырылды, — деп хабарлайды Polisia.kz.
Солтүстік Қазақстан облысы бойынша ҚАЖ департаментінің №48 мекемесінде Халықаралық Нельсон Мандела күніне, сондай-ақ БҰҰ-ның “Азаптауларға қарсы және бостандығынан айырылған жерлерде адамдық қадір-қасиетті қорлау мен қатыгез қарым-қатынасқа жол бермеу” қағидаларын қабылдауының 10 жылдығына орайластырылған тақырыптық іс-шара өткізілді.
Іс-шараның құрметті қонағы — Солтүстік Қазақстан облыстық әдеби бірлестігінің төрағасы, Қазақстан Жазушылар одағының мүшесі Александр Филонов болды. Ол сотталғандарға арналған мазмұнды дәрісінде Нельсон Манделаның өмір жолы, бостандық пен теңдік үшін күресі және адам құқықтарын қорғауға арнаған еңбегі туралы баяндады.
Филонов өз сөзінде, Манделаның ұстанған гуманистік құндылықтарына және оқшаулау жағдайында да адамның қадір-қасиетін қорғауға бағытталған халықаралық құқықтық нормалардың маңыздылығына ерекше тоқталды.
Сотталғандар үшін интеллектуалдық ойын мен тақырыптық викторина ұйымдастырылып, қатысушылар белсенділік танытып, тақырып бойынша білімдерін көрсетті.
Мұндай іс-шаралар сотталғандар арасында құқықтық сана қалыптастыруға, ой-өрісін кеңейтуге және адамзаттық құндылықтарға құрметпен қарауға септігін тигізеді.
