СҚО бойынша ҚАЖД және ҚР ІІМ Қостанай академиясының қызметкерлері кәсіптік бағыт-бағдар беру жұмыстарын жүргізді, – деп хабарлайды Polisia.kz.
Солтүстік Қазақстан облысына ҚР ІІМ Ш.Қабылбаев атындағы Қостанай академиясының біліктілікті арттыру факультетінің аға оқытушылары Елена Жунусова мен Айжан Манатова, сондай-ақ Қуаныш Мырзахмет келді.
Осыған байланысты СҚО бойынша ҚАЖ департаментінің тәрбие және кадр жұмысы бөлімінің қызметкерлерімен Петропавл қаласының жалпы білім беретін мектептерінің 10 және 11 сынып оқушыларымен кездесулер ұйымдастырылды.
Кездесу барысында оқытушылар ішкі істер органдарындағы қызметтің ерекшеліктерін және ведомстволық оқу орнына түсу шарттарын түсіндірді. Сонымен қатар бейнематериалдарды көрсету арқылы студенттерге академияның қызметі мен курсанттарды оқыту процесі айқын көрсетілді. Елена Жунусова еліміздің күш құрылымдарында жұмыс істеудің бірқатар артықшылықтарын келтірді, сондай-ақ өз мысалында академияға түсу арқылы қызметін қалай бастағанын, осындай жұмыстың қаншалықты қызықты екенін және осы бағытты таңдау кезінде қандай сұрақтарды ескеру керектігін айтты.
Тәжірибе көрсеткендей, мұндай кәсіптік бағыт-бағдар беру кездесулері көбінесе түлектердің мансаптық жолының бастамасы және оқушыларға бейінді жоғары оқу орындарына түсуге алдын ала дайындалуға көмектеседі.
Кездесу соңында түлектерге ақпараттық буклеттер, сондай-ақ департаменттің кадр аппараты қызметкерлерімен байланыста болу үшін нөмірлер таратылды.
