СҚО-да ауыл тұрғыны мен полицейлер жоғалып кеткен әжені үйіне жеткізді, – деп хабарлайды Polisia.kz.
4 сәуір күні таңертең ауа райы желкем болып тұрғанда Пресновка – Қайранкөл автожолында Жамбыл ауданы Пресновка ауылының тұрғыны 40 шақырым жерде орналасқан Благовещенка ауылы бағытында кетіп бара жатқан қарияны байқаған. Әжей бұрын сол жерде тұрғандықтан, үйреншікті мекенжайына кетіп бара жатқан болуы мүмкін. Зейнеткердің телефоны болмағандықтан, туыстары оған хабарласа алмаған. Жол бойымен кетіп бара жатқан қарияның жанынан өтіп кетпеген ауыл тұрғыны дереу бұл туралы WhatsApp мессенджеріндегі "Участковый Пресновка" деп аталатын чатта учаскелік полиция инспекторларына хабарлапты.
Белгілі болғандай, әбден абдыраған 54 жастағы ұлы бұл уақытта қарт анасын іздеп жүрген. Полицейлер 85 жастағы зейнеткердің жеке басын анықтап, оны үйіне жеткізді. Учаскелік инспектордың мен ауыл тұрғынының үйлесімді әрекетінің арқасында кейуана тез арада туыстарына оралды. Оның өмірі мен денсаулығына ешқандай қауіп жоқ.
Оның ұлы полиция қызметкерлеріне кәсібилігі, сақтығы және жылдам әрекет еткені үшін алғысын айтты.
