СҚО-да көлік тізгіндеген әйел жолда көмектескен патрульдік полицейлерге алғыс айтты, – деп хабарлайды Polisia.kz.
Полицейлер автокөлік иелеріне жөндеуге қажетті құралдармен алдын ала жабдықталуға кеңес береді. Наурыздың соңғы күндерінде Астана — Петропавл тас жолының 420-шақырымында Mazda көлігін тізгіндеген әйел үшін мәселе туындады. Оның көлігінің дөңгелегі жарылып қалған.
– Біз досымызбен Петропавл қаласына бара жатқанбыз. Рублевка ауылының маңында дөңгелек жарылып қалды. Біз өтіп бара жатқан көліктерді тоқтатып, дөңгелекті ауыстыруға көмектесуді сұрадық, негізінен көлікті ер адамдар жүргізіп келе жатса да, ешкім тоқтамады, – деп жүргізуші әйел СҚО ПД Facebook әлеуметтік желісіндегі аккаунтына жазған.
Жол жиегінде қатып қалған көлікті СҚО ПД патрульдік полиция батальонының қызметкерлері байқады. Қызметкерлер Руслан Қасымов пен Ержан Оңбаев ГАЗельді аудан шекарасына дейін балалармен бірге алып жүрді. Тапсырманы орындағаннан кейін олар автокөлік жүргізушісіне көмектесу үшін оралды.
– Мен ризашылығымды білдіргім келеді, оларға денсаулық пен жұмыста табыс тілеймін. Тәртіп сақшылары көмекке келмегенде біз бұдан да көп уақыт тұрып қалар едік, – дейді тұрғын.
Полицейлер тек өз жұмыстарын орындағанын атап өтті, өйткені жолда қиын жағдайға тап болған адамдарға көмек көрсету — кезекшілікке келген барлық экипаждар алатын тапсырма. Тәртіп сақшылары ұзақ сапарларды мұқият жоспарлауды, байланыс құралдарын, суық мезгілде жылы заттарды жинауды ұсынады.
– ТЖ қызметінің ауа райы болжамдары мен ескертулеріне назар аударыңыздар. Бұл тек қыста ғана емес, маусымаралық кезеңде де, Солтүстік Қазақстанның құбылмалы климаты жағдайында да өзекті. Жолда абай болыңыздар және жол қозғалысы ережелерін қатаң сақтаңыздар, – деп толықтырды ПД патрульдік полиция батальонының командирі Валихан Оразалин.
