Патрульдік полицейлерге риза болған ішкі істер органдарының ардагері олардың жолдағы көмегін телефонға түсіріп алып, СҚО полиция департаментінің баспасөз қызметіне жолдады, – деп хабарлайды Polisia.kz.
Челябі – Новосібір автожолында оның танысының Chevrolet Aveo автокөлігінен ақау шыққан. Түн ортасында жол үстінде тоқтап тұрған көлікті борттық нөмірі 051 СҚО ПД патрульдік полиция батальонының экипажы байқап қалды. Олар шетелдік көлікті сүйреп, Петропавлға жеткізді.
– Әрқашан көмекке келуге дайын осындай қызметкерлерге ризашылығымыз шексіз, — дейді видеоның авторы.
Көмектескен полицейлер – ППБ қызметкерлері Талғат Тілеужанов пен Берік Қойшыбаев.
Жол үстінде полицейлер жүргізушілерге жиі көмектесіп тұрады. Жаңа жылға дейін дәл осы 051 бортының полицейлері Петерфельд ауылы тұрғынының ВАЗ-2107 автокөлігін тіркеп алып, қажетті жерге жеткізуге көмектесті.
– Кезекшілікке түсер алдында басшылық бізге жол-көлік оқиғаларының алдын алумен қатар, жолда қиын жағдайға, әсіресе қыс кезінде адамдарға көмектесу, жазатайым оқиғалардың ықтималдығын азайту туралы айтады. Біз үшін әрбір жүргізушінің діттеген жеріне аман-есен жетуі маңызды, – дейді Тілеужанов.
