СҚО-да полицейлер қар құрсауында қалған балықшыны құтқарды, – деп хабарлайды Polisia.kz.
61 жастағы Көкшетау қаласының тұрғыны ВАЗ-2115 автокөлігімен Солтүстік Қазақстан облысының Тайынша ауданындағы Құмдыкөл көліне балық аулауға барған. Күндіз ауа райы қолайлы болғанымен, кешке қарай екпінді жел күшейген. Ер адам үйіне қайтуға шешім қабылдаған, алайда көріну нашарлап, бағытынан жаңылып, қарға батып қалған. Сағат шамамен 21:00-де ол жергілікті тұрғын танысына хабарласқан, содан кейін ауылдық чаттарда дабыл көтерілген.
Ер адамды іздеуге полиция бөлімі, төтенше жағдайлар бөлімі және аудан әкімдігі күштері жедел жұмылдырылды. Учаскелік инспектор мен ТЖ қызметкерлері онымен байланыста болған. Түн ортасында арнайы техниканың көмегімен тәртіп сақшылары мен құтқарушылар қар басқан автокөлікті тауып алды. Балықшы Макашевка ауылына эвакуацияланды. Медициналық көмек қажет болған жоқ.
Полицейлер мен құтқарушылар тұрақсыз ауа райы кезінде сақ болуға, метеоболжамдар мен құзырлы қызметтердің хабарламаларын қадағалауға, аса қажеттілік болмаса елдімекендерден тыс жерге шықпауға шақырады. Жолға шығарда жылы киім мен сенімді байланыс құралдарын өзіңізбен бірге алу қажет.
