СҚО-да полиция мен университет өкілдері түлектерді жұмысқа орналастыру туралы меморандумға қол қойды, – деп хабарлайды Polisia.kz.
СҚО-да облыстық полиция департаменті мен Солтүстік Қазақстан университеті басшылығының өкілдері "Серпін" бағдарламасының түлектерін жұмысқа орналастыру туралы меморандумға қол қойды.
Тәртіп сақшылары тарапынан құжатқа СҚО ПД бастығының орынбасары Абылғазы Ғабдуллин қол қойды. Ол кейбір жас мамандарда оқу орындарын аяқтаған соң жұмысқа орналасуда проблемалар туындайтынын атап өтті. Полицей мамандығы – азаматтардың қауіпсіздігіне үлес қосуға дайын адамдар үшін сәтті таңдау.
СҚО полиция департаменті 35 жастан аспаған жастарға ішкі істер органдарына қызметке келуді ұсынады. Жұмысқа қабылдау конкурстық негізде жүзеге асырылады. СҚУ студенттерінің құқықтық даярлық деңгейін жақсы білетін полицейлер олардың қатарына халық пен мемлекетке абыроймен қызмет атқаратын кәсіби сауатты, жігерлі қызметкерлер қосылатынына сенімді.
