СҚО-да сотталған азамат бес мамандықты меңгерді, - деп хабарлайды Polisia.kz.
Солтүстік Қазақстан облысы бойынша ҚАЖ департаментінің №48 мекемесінде 51 жастағы ер адам жазасын өтеуде, оның өмір жолы шабыттандырып, үміт сыйлайды. Өміріндегі жіберген қателіктеріне қарамастан, ол мойымаған, керісінше — бостандықтан айыру кезеңін өзін-өзі дамыту мен жетілдіру жолына айналдыра алған.
2020 жылдан бері ол бес кәсіби дипломға ие болды, және олардың әрқайсысы – оның табандылығы мен өмірін қайта бастауға деген ынтасының айғағы: 2020 жылы – электргазбен дәнекерлеуші; 2022 жылы – слесарь-сантехник; 2023 жылы – аяқ киім шебері; 2024 жылы – үшінші разрядты құрылысшы-маман; 2025 жылы – ара өсіруші (омарташы) мамандығын меңгерді.
Әрбір мамандық – жай ғана құжат емес, ол – табандылықтың, өзгеруге деген ұмтылыстың және бостандыққа жаңа мүмкіндіктермен шығуға деген ниеттің айғағы. Алынған мемлекеттік үлгідегі дипломдар оған жазасын өтеп шыққаннан кейін осы бес мамандықтың кез келгені бойынша ресми түрде жұмысқа орналасу құқығын береді.
Сотталғанның айтуынша, оқу оған өмірдің мәнін қайта түсінуге көмектескен.
Қылмыстық-атқару жүйесінде жүзеге асырылып жатқан кәсіби оқыту бағдарламасы — сотталған азаматтарды қайта әлеуметтендірудің маңызды бөлігі. Мұндай оқиғалар бұл бағдарламаның тиімділігін дәлелдейді: адамның өмірі қандай қиын жағдайда болмасын, ол өзгеруге және болашағын жаңаша құруға қабілетті.
