СҚО-да жыл басынан бері интернет-алаяқтыққа қатысты 243 дерек тіркелді, – деп хабарлайды Polisia.kz.
Петропавлда интернет-алаяқтық күн сайын дерлік тіркеледі. Кез келген ірі ұжымда желілік алаяқтардан қоңырау шалған және тіпті алдаудың құрбаны болған адамдар бар. Олар екінші қалалық аурухананың қызметкерлері арасында да бар. Петропавл қаласы ПБ Екінші полиция бөлімінің қызметкерлері медициналық мекемеге интернет-алаяқтықтың негізгі схемаларын тағы бір рет еске салу үшін келді. Бұл – интернеттегі жарнамалар бойынша жоқ тауарларды сату кезінде алдын ала төлем, жасау, «банктен шалынатын қоңыраулар».
Сондай-ақ телефон арқылы алаяқтық қайта жанданды: қылмыскерлер өздерін полиция қызметкерлері немесе медицина қызметкерлері ретінде таныстырып, жәбірленушілерді балалары немесе немерелері жол-көлік оқиғасы туралы хабармен елең еткізеді және енді «жәбірленушілерге» қомақты ақша төлеуі керек дейді. Залалдың ең көп сомасы «банктен қоңырау шалу» схемасы бойынша келтіріледі. Алаяқтар жәбірленушілерге біреу олардың қаржысына қауіп төндіреді деп және кейінірек ақшаны ұсынылған шотқа аудару үшін үлкен несие алуға көндіреді. Олар сондай-ақ SMS арқылы келетін бір реттік парольді хабарлауды талап етуі мүмкін. Мұны мүлдем жасауға болмайды – мұндай құпиясөз банктік шоттарға толық қол жеткізуге мүмкіндік береді.
– Қауіпсіздіктің негізгі ережесі: белгісіз тұлғалар сізге хабарлаған қаржыға қатысты кез келген ақпаратты ресми арналар арқылы бірнеше рет тексеру қажет. Алаяқтардың айла-амалдары туралы хабардар болу – қылмыстық қол сұғушылықтан қорғаудың сенімді құралы, сондықтан еңбек ұжымдарымен осындай кездесулерді полиция қызметкерлері тұрақты негізде өткізеді, – дейді Екінші ПБ бастығы Талғат Смағұлов.
