СҚО-дағы әйелдер колониясында ерекше жарыс ұйымдастырылды, – деп хабарлайды Polisia.kz.
СҚО ҚАЖД-ға қарасты №50 мекеме тарихында тұңғыш рет сотталғандар арасында әйгілі кинофильмдер тақырыбында «Күзгі карнавал» жарысы ұйымдастырылды. Үш жасақтан 150-ге жуық сотталған осы іс-шараға екі ай бойы дайындалды. Пікір талас қорытындысы бойынша жасақтар ең танымал үш фильмді таңдады, атап айтқанда «Кариб теңізінің қарақшылары», «Тақтар ойыны» және «Астерикс және Обеликс: Клеопатра миссиясы».
Бірінші кезекте сотталғандар декорацияларды жинай бастады. Биіктігі 7 метрлік айдаһар қаңқасы, сондай-ақ 6 метрлік қарақшылар кемесі және 4 метрлік Клеопатраның алтын күймесі металл тақтайшалар мен шыбықтардан жасалған. Сыртқы бөлігін безендіру үшін картон, жұмыртқа науалары және түрлі-түсті маталар қолданылды.
Сотталғандар декорация жасап қана қоймай, таңдалған фильмдердің ең танымал сценаларын көрсететін толыққанды бағдарлама дайындады. Іс-шараның барлық қатысушысы өз қолдарымен костюмдер тігіп, барлық қажетті құралдарды жасады: қарақшыларға арналған қылыштар, жауынгерлерге арналған сауыт және Клеопатраның қызметшілеріне арналған мантиялар болды.
Іс-шара соңында әрбір қатысушы, сондай-ақ күзгі карнавал көрермендері мекеме әкімшілігіне осындай ерекше байқауды ұйымдастырғаны үшін алғыс білдірді.
