СҚО ПД бастығы ММА-дан өткен республикалық чемпионаттан жүлдемен оралған полицейлерді құттықтады, – деп хабарлайды Polisia.kz.
24 және 26 қаңтар аралығында аралас қоян-қолтық ұрыстан (ММА) Қостанай қаласында өткен Қазақстан Республикасының чемпионатында солтүстікқазақстандық спортшылар 2-орынды иеленді. Спорттық додаға еліміздің барлық аймағынан 300-ге жуық қатысушы жиналды.
Команданың жетістігіне полиция қызметкерлері Айбат Қарбаев Айдархан Қайруллин де өз үлестерін қосты. Олар СҚО "Sunqar" аралас жекпе-жек федерациясы құрамасының құрамында өнер көрсетті, оның жаттықтырушысы және өкілі облыстық полиция департаменті арнайы және жұмылдыру даярлығы басқармасының инспекторы - Марлен Баранбаев.
Айбат 65 келіге дейінгі салмақ дәрежесінде, Айдархан 75 келіден жоғары абсолюттік санатта үш жекпе-жектің екеуінде сенімді жеңіске жетті.
СҚО ПД бастығы Айдын Қабдұлдинов погондағы спортшыларды байрақты бәсекеде сәтті өнер көрсеткендері үшін құттықтап, жаңа жеңістер тіледі.
