СҚО ПД бастығы жылдам қимылдайтын арнайы жасақ қызметкерлерін спорттық жеңістерімен құттықтады, – деп хабарлайды Polisia.kz.
Солтүстік Қазақстан облысы полиция департаментінің бастығы Айдын Қабдұлдинов жедел әрекет ету жасағының қызметкерлерін спорттық жетістіктерімен құттықтау үшін қабылдады.
Нұрсұлтан Жақыпов, Айдар Жүніспаев және Айбек Төлебаев Анталия қаласында (Түркия) өткен кикбоксинг бойынша Қарулы күштер арасындағы халықаралық ойындарда өз ведомствосын, облысын және елін лайықты танытты.
Ойындарға түрлі елдерден 100-ден астам спортшы қатысты. Полиция департаментінің қызметкерлері Қазақстан құрамасының қатарындағы жалғыз полицейлер болды. Олардың үшеуі де жүлделі орындарға ие болды.
75 келі салмақ дәрежесінде Айдар Жүніспаев лоу-кик және 75 келі салмақта Айбек Төлебаев фулл-контакт дәрежесінде құрама қоржынына қола медаль әкелсе, Нұрсұлтан Жақыпов (86 келі фулл-контакт) Қазақстан үшін жалғыз алтынды жеңіп алды.
Қабдұлдинов погондағы спортшылармен әңгімелесіп, жаңа жеңістер тіледі. Бұл спорттық жетістіктер полицейлерді өзін-өзі дамытуға және дене даярлығының жоғары деңгейіне ынталандыратынын атап өтті.
