Солтүстік Қазақстан облысының полицейлері “12 күн бала еңбегін пайдалануға қарсы күрес” республикалық Ұлттық ақпараттық компаниясы жұмысын аяқтады, – деп хабарлайды Polisia.kz.
Облыста 1 маусымнан бастап Білім беру басқармасының мамандарымен бірлесе тәртіп сақшылары 265 рейд өткізді. 384 нысан тексерілді. Ең бастысы, жасөспірімдер арасында жаз мезілінде табыс табатын жазғы дәмханалар, базарлар, сауда павильондары сияқты танымал орындар басты назарда болды. Кәмелетке толмағандарға қатысты еңбек заңнамасын бұзу фактілері анықталған жоқ.
Иелерімен профилактикалық әңгіме өткізіліп, оларға кәмелетке толмағандардың жұмысқа орналасуын реттейтін Еңбек кодексінің ережелері түсіндірілді. ҚР Қылмыстық кодексінің “Кәмелетке толмағандарға қатысты Қазақстан Республикасының еңбек заңнамасын бұзу” 153-бабына сәйкес, жасөспірімдерді тыйым салынған жұмыстарға тарту жұмыс берушілерге екі мың айлық есептік көрсеткішке дейінгі айыппұл немесе екі жылға дейінгі мерзімге бас бостандығынан айыру болуы мүмкін.
– Заң жасөспірімдерге ақша табуға тыйым салмайды, бірақ 18 жасқа дейін түнде жұмыс істеуге, оқу процесін бұзатын, баланың дамуына қауіп төндіретін ауыр жұмыс істеуге болмайтынын есте сақтау керек, – дейді СҚО ПД бастығының бірінші орынбасары Қанат Айбаев. – 14 жастан 16 жасқа дейін аптасына 24 сағаттан артық, 16 жастан 18 жасқа дейін 36 сағаттан артық жұмыс істеуге болмайды. Заңды өкілдерінің бірі еңбек шартына қол қоюы тиіс. Бұдан басқа, ата-аналарға кеңес бергім келеді: баланы жұмысқа орналастыруға келісе отыра, еңбек шартына қол қоюмен шектелмей, болашақ жұмыс орнын, еңбек жағдайын жеке тексеріп шығыңыздар.
Полиция қызметкерлерінің жеке жұмыс желісі “Түнгі қаладағы балалар” рейдтері болды. Түнгі көңіл көтеру орындары тексерілді. Полицейлер олардың ішінде жұмыс істеп жүрген жасөспірімдерді көрмеді, бірақ кейде олар келушілер арасында болды. Компания кезінде 63 ата-ана балалары түнгі уақытта үйінен тыс жерде, ойын-сауық орындарына барғаны үшін әкімшілік жауапкершілікке тартылды.
