СҚО полицейлеріне "Жолда қабылдау" акциясы аясында 56 өтініш келіп түсті, - деп хабарлайды Polisia.kz.
Автожолдарды күтіп ұстау, жол белгілерін орнату - Солтүстік Қазақстан тұрғындары полицейлерге қойған негізгі сұрақтардың бірі.
Екі күн бойы тамыздың 16 және 17 аралығында Солтүстік Қазақстан облысы полиция департаменті әкімшілік полиция басқармасының, Петропавл қаласы полиция басқармасы, сондай-ақ "Азаматтарға арналған үкімет" мемлекеттік корпорациясы" коммерциялық емес акционерлік қоғамының Солтүстік Қазақстан облысы бойынша филиалы қызметкерлері азаматтардың сұрақтарына жауап беру үшін Instagram және Facebook әлеуметтік желілерінің тікелей эфиріне шығып, жұмыс істеді.
- Барлығы 56 өтініш келіп түсті. Іс-шараның мақсаты - халықтың құқықтық сауаттылығын арттыру, автокөлікті тіркеу, жүргізуші куәлігін беру, айыппұл төлеу бойынша түсіндіру жұмыстарын жүргізу. Қазақстан Республикасы ішкі істер министрлігі нұсқаулығына сәйкес акция тұрақты түрде өткізіледі, - деді Солтүстік Қазақстан облысы полиция департаменті әкімшілік полиция басқармасы бастығы Серік Әлжанов.
