СҚО полицейлерінің жедел тапқырлығы пәтер ұрлығын ашуға көмектесті, – деп хабарлайды Polisia.kz.
2022 жылдың қараша айында аудандардың бірінде кәсібін атқарып жүрген кәсіпкер тауар алу үшін Петропавлға жолға шықты. Қайтар жолда оған белгісіз қылмыскердің үйге кіріп, сейфті бұзып, 6 миллион теңгеден астам ақшаны ұрлап кеткенін анықтаған жұбайы қоңырау шалды. Күйеуіне қоңырау шалған соң, ауыл тұрғыны дереу полицияға жүгінді.
Жедел қызметкерлердің айтуынша, оқиға орнында іздердің толық болмауы тәжірибелі қылмыскердің әрекет еткенін көрсетті. Ауылдастарының арасында мұндай ұрлық жасай алатын ешкім болған жоқ. Көршілес үйлердің бірінен түсірілген жалғыз бейнежазба күдіктіні анықтауға мүмкіндік бермеді. Жедел қызметкерлер қылмыстың таңертең жасалғанына назар аударды – бұл пәтер ұрлығының тән емес уақыт. Үй иелерінің үйде болмаған кезін кім білуі мүмкін деген сұрақ туындады. Бұл сол ауылдың 44 жастағы тұрғынына жақсы белгілі болды, себебі ол жәбірленушіден қалаға қашан баратынын алдын ала сұрап, оны ала кетуді сұраған. Жолда жолаушы бірнеше рет біреуге қоңырау шалған. Полицейлер анықтағандай, оның сұхбаттасушысы 37 жастағы есірткіге тәуелді Петропавл азаматы болып шыққан, ол мүліктік қылмысы үшін сотты болған.
– Жедел-іздестіру іс-шаралары барысында оның ұрлық жасауға қатысы бары анықталды. Сондай-ақ жәбірленушінің жолдасы ауыл тұрғыны қылмыскермен сөз байласып, оған кәсіпкердің үйіне нұсқау беріп, оның іс-әрекетін үйлестіргені анықталды. Сот тергеудің дәлелдерін сенімді деп тауып, қатысушыларға ҚР Қылмыстық кодексінің 188-бабының 4-бөлігі (Ұрлық) бойынша жаза тағайындады. Үкімге сәйкес, ауыл тұрғыны -6 жылға, ұрлық жасаған Петропавл тұрғыны – 9 жылға бас бостандығынан айырылды, – деді СҚО ПД криминалдық полиция басқармасының бастығы Иван Терзиди.
Полицейлер адамдарға үйде үлкен сомадағы ақшаны сақтамауға кеңес береді. Сонымен қатар үйлеріңіздің техникалық нығаюына қамтамасыз ету қажет: бірінші қабаттардың терезелеріне сенімді есіктер мен құлыптар, торлар қойып, мүмкіндігінше дабыл және бейнебақылау орнатқан жөн.
