СҚО полиция департаментінде тәлімгерлер кеңесі кәсіптік бейіндеу жұмысына белсенді қатысуда, – деп хабарлайды Polisia.kz.
СҚО полиция департаментінде тәлімгерлер кеңесінің кезекті отырысы өтті. Оның құрамында ең тәжірибелі және құрметті полиция ардагерлері бар. Аталмыш кеңес тәрбие және кадр жұмысына көмектеседі: оның мүшелері жас полиция қызметкерлеріне өз тәжірибелерімен бөліседі, қазақстандық полицияның имиджін нығайтуға және оның қатарына жастарды тартуға бағытталған іс-шараларға қатысады.
Айта кету қажет, тәлімгерлер кеңесінің ұсынысы бойынша өткен жылдан бастап полиция қызметкерлері облыс аудандарында кәсіптік бейіндеу жұмыстарын жаңа форматта жүргізуде: кинологтар, жылдам қимылдайтын арнайы жасақ офицерлері, спортта жоғары нәтижеге қол жеткізген және ерлік жасаған полицейлер қатысуда. Бүгінде тәлімгерлердің басқа да креативті идеялары іске асырылуда.
Кезекті отырыста кеңестің басшылығы мен оның кейбір мүшелері қайта сайланды. Енді жаңа органға кадр жұмысының тәжірибелі ардагері, отставкадағы полиция полковнигі Қапез Дәулетбаев жетекшілік етеді. Оның орынбасары болып отставкадағы полиция полковнигі Сағындық Теміреев сайланды. Бұдан бөлек, кеңестің 2025 жылға арналған жұмыс жоспары бекітілді.
