Солтүстік Қазақстан облысының полиция департаментінде тәлімгерлер байқауының жеңімпаздары салтанатты түрде марапатталды, – деп хабарлайды Polisia.kz.
СҚО ПД бастығының міндетін атқарушы Құрманғали Ысмағұлов «Үздік тәлімгер» байқауының жеңімпаздарына естелік сыйлықтар табыс етті.
Полиция қатарындағы тәлімгерлік институтына үлкен тәрбиелік мән беріледі. Тәжірибелі қызметкерлер жас буынға полиция қызметінің күрделі жағдайларына бейімделуге көмектеседі, кәсіби қызметтің ерекшеліктерімен таныстырады.
Байқау өткен күні жас қызметкерлерге бекітілген тәжірибелі полицейлер сақшыларға қажетті дағдыларды меңгеруден, дене шынықтыру даярлығынан және заңнаманы білуден сайысты.
Байқау қорытындысы бойынша үшінші орынды Есіл ауданының полиция қызметкерлері – аудандық полиция бөлімі бастығының орынбасары Нұрсұлтан Қайыржанов және аға криминалист Эрика Эрнст иеленді. Ал екінші орынды – айдауылдау қызметі взводының полицейлері Закир Ахметов пен Айдос Мырзағалиев еншіледі.
Жылдам қимылдайтын арнайы жасақтың офицерлері Серік Әбілғазинов пен Жәдігер Байсмақов сайыстың жеңімпаздары атанып, оларға «2024 жылдың үздік тәлімгері» жалаушасы табыс етілді.
Осы іс-шарада төрт қызметкерге қызметтерін мінсіз атқарғаны үшін Қазақстан Республикасы Президентінің алғыс хаттары табысталды. Үш қызметкер грамоталармен, ал жетеуі Қазақстан Республикасы ішкі істер министрлігінің алғыс хаттарымен марапатталды. Осы бұйрықпен тағы 20 полицейге алғыс жарияланды.
