Қызылордалық полицейлер ардагерлерді құттықтады, – деп хабарлайды Polisia.kz.
«Үлкенге-құрмет, кішіге-ізет» көрсету мақсатында 3 желтоқсан «Дүниежүзілік мүгедектер күніне» байланысты Қызылорда облысының Полиция департаменті және Ардагерлер кеңесі ішкі істер органдарының 35-ке жуық ардагеріне құрмет көрсетті.
Өмірдің талай белестерін бағындырып, бүгінде алып бәйтеректей бір әулеттің ақылшысы болып отырған, ұжымның арқа сүйер ардагерлерін Қызылорда облысы Полиция департаментінің Ардагерлер кеңесінің төрағасы Серікбол Тұңғышбаев құттықтап, оларға алғыс білдірді.
Сыр полицейлері 35-ке жуық зейнеткерге сыйлықтар мен азық-түлік себеттерін табыс етті. Ардагерлер өз кезегінде іс-шараны ұйымдастырушыларға алғыстарын айтып, ақ баталарын берді.
