Қызылордалық полицейлер Ауған соғысының ардагерлерімен кездесті, – деп хабарлайды Polisia.kz.
Кеңес әскерлерінің Ауғанстан жерінен шығарылғанына биыл 32 жыл толуына байланысты Қызылорда облысы Полиция департаментінің жылдам қимылдайтын арнайы жасағының қызметкерлері Ауған соғысының ардагерлерімен кездесу өткізді.
Кездесуге келген Ауған соғысының ардагерлері жасақ қызметкерлеріне патриоттық рухтағы естеліктерін айтып, оларды ел мен жерге адал қызмет етуге шақырды.
Сондай-ақ ардагерлер жастарға сұм соғыстың зардаптары туралы әңгімелеп, соғыста қаза тапқан отандастарымыз жайында айтып берді.
