Талдықорған полицейлері жол ережесін бұзған 46 автобус жүргізушісін анықтады, - деп хабарлайды Polisia.kz.
Талдықорған полицейлері "Автобус" алдын алу профилактикалық іс-шарасының аясында жолаушыларды тасымалдау көлігі жүргізушілерінің 46 бұзушылығын анықтады.
- Көлікті заңсыз қайта жабдықтау фактілері, міндетті техникалық байқаудың жоқ болуы, рульде ұялы телефондарды пайдалану және басқа да құқық бұзушылықтар анықталды. Екі автобус айыппұл тұрағына қойылды, - деді Талдықорған ҚПБ ППБ командирі Руслан Примжанов.
Естеріңізге сала кетейік, 5-11 желтоқсан аралығында облыс аумағында "Автобус" республикалық профилактикалық іс-шарасы жүргізіліп жатыр. Іс-шара жолаушылар көлігінің қатысуымен болатын жол-көлік оқиғаларын алдын алу мен оның санын азайтуға, сондай-ақ жолаушыларды тасымалдау қауіпсіздігін арттыруға бағытталған.
