Талдықорған қаласында полиция қызметкерлері мектеп оқушыларына жол қауіпсіздігі ережелері бойынша дәріс өткізді, - деп хабарлайды Polisia.kz.
Іс-шара №1 және №2 мектептерінде ұйымдастырылды, онда 3-7 сынып оқушылары пайдалы білім алып қана қоймай, жарық шағылыстыратын ленталарға ие болды.
Қыс мезгілінде, күн ерте бататын кезде, балалардың қауіпсіздігі ерекше маңызға ие болады. Нашар көріну жағдайында жүргізушілерге жаяу жүргіншілерді, әсіресе кішкентай балаларды байқау қиын. Денсаулық пен өмірге қауіп төндіретін жағдайларын азайту мақсатында Талдықорған полиция қызметкерлері мектеп оқушыларына 100-ден астам жарық шағылыстыратын арнайы ленталар таратты. Бұл қарапайым, бірақ тиімді аксессуарлар балалардың қараңғы уақытта жолда көзге түсуін қамтамасыз етеді.
Балалардың қауіпсіздігі – полиция қызметіндегі маңызды бағыттарының бірі!
Осындай іс-шараларды өткізу жол қауіпсіздігінің және өсіп келе жатқан ұрпаққа қамқорлық көрсетудің маңызды бөлігі болып табылады. Дәріс пен арнайы ленталарды тарату – ережелерді сақтау қажеттілігін еске салу ғана емес, сонымен бірге оқушылардың қауіпсіздігін қамтамасыз етудегі нақты көмек.
Мұндай бастамалар балалардың қауіпсіздігі – мемлекет пен қоғам бірлесіп шешетін басты міндеттердің бірі екенін көрсетеді.
