Талдықорғанда полиция мас күйде көлік жүргізген ер адамды ұстады, – деп хабарлайды Polisia.kz.
13 қаңтарда Талдықорған қаласында полицейлер күдікті Toyota Carina көлігінің жүргізушісін тоқтатқан. Жүргізуші 34 жастағы жергілікті тұрғын болып шықты, тексеру нәтижесінде оның көлік құралын мас күйінде басқарғаны анықталды.
Аталған дерек бойынша әкімшілік іс жүргізіліп, сот отырысының қорытындысы бойынша жүргізуші 7 жылға көлік құралын басқару құқығынан айырылды. Сонымен қатар оған 15 тәулікке әкімшілік қамау жазасы тағайындалды.
Полиция мас күйінде көлік жүргізудің ауыр салдарға әкелуі мүмкін екенін еске салады: жол-көлік оқиғалары, жарақат алу және жол қозғалысына қатысушылардың өміріне қауіп төндіру. Ішкі істер министрлігі азаматтардың хабардарлығын арттыру және жолдардағы бақылауды күшейту бойынша алдын алу шараларын жалғастырады.
Көлік басқару кезінде заңды бұзбау – әрбір жол қозғалысына қатысушының қауіпсіздігінің кепілі.
