Тәуелсіздіктің 30 жылдығына орай «Республикамыздың үздік учаскелік полиция инспекторы және кәмелетке толмағандар істері жөнінде үздік учаскелік полиция инспекторы» атты байқау жеңімпаздары анықталды, – деп хабарлайды Polisia.kz.
Байқауға облыс және қала аумағында учаскелік полиция инспекторлары болып қызмет атқарып жүрген құқық қорғаушылар қатысты. Полиция қызметкерлері өздерінің білімін, спорттағы шеберліктері мен кризистік жағыдайлардағы іс-қимылдарымен көрсетті.
Тараз қаласы Полиция департаменті №7 тірек пунктінің УПИ полиция инспекторы Бахтияр Тұрғынбек «Үздік учаскелік полиция инспекторы» атанды. Ал Тараз қаласы Полиция департаменті Ювеналдық полиция бөлімі инспекторы Ғазиз Бегалиев «Кәмелет жасқа толмаған істері жөніндегі үздік учаскелік полиция инспекторы» атанды.
Жеңіске жеткен үздік учаскелік полиция инспекторлары ҚР ІІМ министрі Ерлан Тұрғымбаевтың дипломымен, «Үздік учаскелік полиция инспекторы» төсбелгісімен марапатталды.
