Таразда базардағы дүңгіршектің бірінен ұрлық жасаған күдікті қолға түсті, – деп хабарлайды Polisia.kz.
Тараз қаласының тұрғыны орталық базардағы дүңгіршегіндегі ұрлық туралы полиция басқармасының «102» арнасына хабарласты. 23 жастағы арызданушының айтуынша, белгісіз біреулер дүңгіршектің есігін бұзып кіріп, қымбат бағалы тауарларын ұрлап кеткен.
Оқиға орнына дереу жеткен полиция қызметкерлері жедел-іздестіру шараларын ұйымдастырды. Тиісті жұмыстардың нәтижесінде қылмысқа қатысы бар деген күдікпен 23 жастағы екі ер адам анықталып, ұсталды. Тексеру барысында күдіктілердің осыған ұқсас қылмыстары үшін бұрын сотталғаны белгілі болды. Олардың жанынан айғақ заттар тәркіленіп, қылмыстық іс материалына қосылды.
Аталған дерек бойынша ҚР Қылмыстық кодексінің (Ұрлық) бабымен сотқа дейінгі тергеу амалдары жүргізілуде.
Тараз полициясы азаматтарды өз мүліктерінің қауіпсіздігін қамтамасыз етуге шақырып, күмәнді жағдайлар туралы дереу хабар беруді ұсынады. Қоғамдық тәртіпті сақтау – әрбір азаматтың жауапкершілігі.
