Таразда да мас жүргізушілер саны азаяр емес, – деп хабарлайды Polisia.kz.
Тараз қаласы аумағында жыл басынан қараша айы аралығында көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына бергені үшін барлығы 222 жүргізушілер анықталып, ҚР Әкімшілік құқық бұзушылық туралы кодексінің 608-бабы бойынша әкімшілік жауапкершілікке тартылған. Олар бойынша, мамандандырылған әкімшілік соттың шешімдерімен әкімшілік жаза ретінде он бес тәулікке әкімшілік қамаққа алынып және жеті жыл мерзімге көлік құралын басқару құқығынан айырылған. Масаң күйде көлік құралын басқару, бұл әрекеттің артында адам өмірі, үміті, тағдыры тұрғанын ұмытпағанымыз жөн.
