Шымкентте кинология қызмет орталығының «Грей» есімді қызметтік иті қылмысты ашуға көмектесті, – деп хабарлайды Polisia.kz.
2021 жылғы 13 сәуір күні сағат 18:10 шамасында Шымкент қаласы Полиция департаменті Еңбекші ауданы Полиция басқармасының кезекші бөліміне жергілікті тұрғын аудандағы дүкендердің бірінен терминал аппаратын белгісіз біреулер бұзып, оның ішіндегі ақшаны ұрлап кеткені туралы хабарлаған.
Тәртіп сақшылары оқиға орнына барып, тексеру жұмыстарын жүргізді. Еңбекші ауданы Полиция басқармасы Криминалдық полиция бөлімінің қызметкерлері жедел-іздестіру іс-шараларын жүргізу барысында Кинология қызметі орталығының «Грей» есімді қызметтік итінің көмегімен күдікті азаматтың ізіне түсіп, ұстап полиция жеткізеді.
Тексерудің нәтижесі бойынша аталған азаматтардың іс-әрекетіне құқықтық баға беріледі.
Айта кететін жайт, Кинология қызметі орталығының қызметтік иттері қылмыстар мен құқық бұзушылықтарды анықтауға көп көмегін тигізіп, қылмыскерлерді құқыққа қарсы іс-әрекеттерінің жолын кесуге атсалысады.
