Түркістан облысында полицейлер жас сақшыларға дәріс өткізді, — деп хабарлайды Polisia.kz.
Түркістан облысы Жетісай аудандық полиция бөлімінің ювеналдық полиция бөлімшесінің инспекторлары Қылышбек Тұрмағанбетов пен Ғалымжан Шонықбаев “Жасөспірім” жедел-профилактикалық іс-шарасы аясында жас сашыларға түсіндірме жұмыстарын жүргізді.
№1 М.Горький атындағы мектеп гимназиясында жаңадан ашылған “Жас сақшылар” сыныбының оқушыларына жасөспірімдер арасындағы құқық бұзушылық, буллинг, лудомания, зорлық-зомбылықтың алдын алу, есірткінің болашақ үшін қаупі жайлы, скутер, электромобильдер, самокаттарды арнайы жүргізуші куәлігінсіз тізгіндеуге болмайтындығы жөнінде баяндама жасады.
Сондай-ақ экран арқылы жол қозғалысының негізгі қағидаларын түсіндіріп, қауіпсіз жүріп-тұрудың ережелерін айтты. Шара барысында полицейлер жасөспірімдермен біргелікте жаяу жүргіншілер өтетін орындардан өтіп, жолдағы қауіпсіздік ережелерін сақтау маңыздылығын түсіндірді.
— Кәмелетке толмағандардың қауіпсіздігі мен олардың заңды құқықтары мен мүдделерінің сақталуы — полиция қызметінің “Заң мен Тәртіп” қағидасын жүзеге асыру жолындағы маңызды көрсеткіштерінің бірі. Мұндай шаралар жас ұрпақтың құқықтық сауаттылығын арттырып, жол-көлік оқиғаларының алдын алуға сеп болары анық, - дейді полиция инспекторы Қ.Тұрмағамбетов
