Түркістан облысының полицейлері мал ұрлаған екі күдіктіні ұстады, – деп хабарлайды Polisia.kz.
Жедел-іздестіру іс-шараларын жүргізу барысында Түркістан облысы ПД криминалдық полиция басқармасының қызметкерлері мал ұрлығына күдікті адамдар тобының қызметін тоқтатты.
Анықталғандай, Мақтаарал ауданының екі тұрғыны көршілес Жетісай ауданында орналасқан жайылымнан жылқы ұрлаған. Содан кейін күдіктілер ұрланған малды сатуды және ақшаны өз қажеттіліктеріне жұмсауды жоспарлаған.
Жедел уәкілдер олардың тұрғылықты жерін тінту кезінде ұрланған жылқыны тәркілеп, заңды иесіне қайтарды.
Бүгінгі таңда күдіктілердің жалпы сомасы миллион теңгеден асатын мал ұрлығының екі фактісіне қатысы бар екені белгілі болды. Күдіктілер қамауға алынып, тергеу жүргізіліп жатыр. Оқиғаның толық мән-жайы анықталады.
