Ұлытау облыстық полиция департаменті оқушылар арасында байқау ұйымдастырды, – деп хабарлайды Polisia.kz.
Байқауға Сәтбаев және Жезқазған қалаларының мектептерінен жүзге жуық жас жол инспекторы қатысты. Байқаудың басты мақсаты – жасөспірімдердің жол қозғалысы ережелері мен есірткінің зияны туралы білімін арттыру.
Конкурс бірнеше кезеңнен тұрды: қатысушылардың ЖҚЕ бойынша білімдері тексерілді. Саптық конкурсқа қатысты және жолдағы қауіпсіздік тақырыбында суреттер салып, өздерінің көркемдік дағдыларын көрсетті.
Арнайы комиссия әр спектакльді бағалап, ең жақсы командаларды таңдады. Іс-шара аясында жас инспекторлар жүргізушілерге ережелерді сақтау қажеттігі туралы оқушылар салған суреттері бар буклеттер таратты.
– Бұл байқау балалар үшін өз білімдерін көрсетіп қана қоймай, қауіпсіз жол ортасын құруға үлес қосудың тамаша мүмкіндігі, – деп атап өтті облыстық ПД жергілікті полиция қызметі басқармасының бастығы Дәулет Молдаханов.
