Ұлытау облысында ПД қызметкерлері әріптестерін зейнетке шығарып салды, – деп хабарлайды Polisia.kz.
Полиция департаментінде ішкі істер органдарында көпжылдық қызметтен кейін зейнет жасына жеткен қызметкерлерді шығарып салу салтанатты рәсімі өтті. Облыстық полиция департаменті құрылғаннан бері бұл тәртіп сақшылардың күш-жігері мен кәсібилігі қоғамның қауіпсіздігін қамтамасыз етуге айтарлықтай үлес қосты.
Салтанатты іс-шараға өңірдің бас полицейі Қайыркен Әлиев, полиция бөліністерінің басшылары, сондай-ақ еңбектерімен қызмет тарихында өшпес із қалдырған құрметті ардагерлер қатысты.
Жиын барысында өз қызметінде ұзақ жылдар қызмет еткен 19 полиция қызметкері ұлықталып, құрметті демалысқа шығарылды. Полиция департаментінің бастығы Қайыркен Әлиев ардагерлерге алғыс білдіріп, олардың тәжірибесі мен кәсіби шеберліктері полицейлердің жас буыны үшін үлгі болатынын атап өтті.
Ардагерлер кеңесінің төрағасы Аманбек Мұқатаев қызметкерлерге жоғары кәсібилігі үшін шынайы ризашылығын білдіріп, оларға өмірінің жаңа кезеңінде лайықты демалыс пен амандық тіледі. Олардың қызметі полиция департаменті тарихының ажырамас бөлігіне айналды және олардың қосқан үлестері әріптестердің жадында мәңгі қалады.
