2020 жылдың нәтижелері бойынша Павлодар қаласы ПБ патрульдік полиция батальоны қызметкерлерінің бірі Алмаз Саттаров үздік деп танылды, – деп хабарлайды Polisia.kz.
Алмаз Гажапович ішкі істер органдарында екі жылдан астам уақыт қызмет етеді және осы кезеңде өзін үлгілі қызметкер ретінде көрсетті. Қызметте ол құқық қорғау органдарының қызметкеріне сәйкес байсалды және өте жауапты.
Соңғы бір жыл ішінде ол 730 әкімшілік хаттама толтырып, заң бұзғаны үшін 1 250-ден астам азаматты ұстаған.
Ол ұрлық жасаған 21 адамды ұстады және 17 адамнан есірткі тәркіледі. Сонымен қатар іздеуде жүрген 16 адамды анықтады.
Мысалы, 26 қазанда қаланы патрульдеу кезінде С.Торайғыров көшесіндегі №113 үйдің ауласында Алмаз Саттаров кісі өлтіргені үшін халықаралық іздеуде жүрген азаматты байқаған. Полиция қызметкері дереу барлық қажетті шараларды қабылдап, нәтижесінде қылмыскер ұсталды.
Сондай-ақ өткен жазда көшелерді патрульдеу кезінде Алмаз Саттаров бұталарға бірдеңе жасырған ер адамды байқаған. Полицейге оның мінез-құлқы өте күдікті болып көрінген, сондықтан Алмаз серіктесімен бірге күдікті азаматқа қарай бет алды. Полицейлердің күдігі расталып, ер адамның есірткі жасырғысы келген болып шықты. Полицейлер қаскүнемді құрықтады.
