Қарағанды облысының ПД үздік тергеушілер мен анықтаушыларды марапаттады, – деп хабарлайды Polisia.kz.
Қарағанды облысының ПД тергеу және анықтау бөлімдері арасында 2020 жылдың қорытындысын шығарды.
Жыл бойы жақсы нәтижелерімен көзге түскен аумақтық бөлімшелер арасында Қарағанды қаласының ПБ Теміржол полициясы бөлімінің тергеу бөлімшесі және Қарағанды қаласының ПБ Октябрь полиция бөлімінің анықтау бөлімі ең үздік деп танылды.
Жылдың үздік тергеушісі атағын Сәтпаев полиция бөлімінің тергеушісі Изабелла Ахмедова, жылдың үздік анықтаушысы атағын Приозерск полиция бөлімінің анықтаушысы Қуаныш Ысқақов иеленді.
Сонымен қатар, жұмыста оң нәтижелерге қол жеткізген бірқатар тергеушілер мен анықтаушыларға Қарағанды облысының ПД бастығының грамоталары табысталды.
