Патрульдік полиция қызметкерлері бір тәулікте 15-тен астам жолда тұрып қалған көлік жүргізушілеріне көмек көрсетті,-деп хабарлайды Polisia.kz.
Қаңтардың 3-і күні Ақтөбе облысында боран басталып, көктайғақ болуда. Ауа-райының қолайсыздығына байланысты трассалардағы патрульдер саны артты.
Ауа-райының қолайсыздығына және барлық шұғыл қызметтердің тыйым салғанына қарамастан, көптеген автоәуесқойлар алыс жолға шығуын доғарар емес.
«Самара-Шымкент» тас жолында полиция қызметкерлері Қырғызстан мемлекетінің 8 азаматы бар автомашинаға көмектесті. Олар Хромтау қаласында,ы арнайы жылытылған бекетте түнеп, ыстық тамақпен қамтамасыз етілді.
Ресей Федерациясының Орынбор қаласына апаратын трассада, Саржансай ауылының маңында 7 автокөлік тұрып қалды, оларға да көмек көрсетіліп, Мәртөк ауылына дейін полиция экипажы алып жүрді.
Қазіргі таңда облыс жолдарында көктайғақ сақталуда.Дегенмен, жолдар ашық және полицейлер көлік тізгіншілеріне қажетті көмек көрсетіп жатыр.
