Маңғыстау облыстық Полиция департаментінің басшысы ардагерлермен кездесті,-деп хабарлайды Polisia.kz.
Жанарбек Бақтыбаев Маңғыстау облысы Полиция департаментінің бастығы лауазымына тағайындалғаннан кейін алғаш рет аймақ ІІО ардагерлері мен зейнеткерлерімен кездесу өткізді. Кездесу барысында ІІО және Ұлттық гвардияның ардагерлер кеңесінің төрағасы полиция полковнигі Нағашыбек Жариев осындай кездесулердің оң бағасын алып, зейнеткерлердің өзекті мәселелерін шешуде толық қол жетімділікті қамтамасыз ететінін атап өтті.
Генерал-майор ардагерлер ұйымдары міндетті түрде полиция бөлімшелерімен өзара іс-қимыл жасауы, ардагерлер аумақтық ІІО басшылығының халықпен кездесулеріне қатысуы, жастармен және есепке алынған азаматтармен жұмыс істеуі тиіс екеніне назар аударды. Іс-шара барысында ардагерлер зейнеткерлік демалыстағы қызметкерлерді зейнетақымен және медициналық қамтамасыз етудің түрлі мәселелері бойынша түсіндіріліп, ІІМ госпитальдарында және Полиция департаменті емханаларында медициналық көмек алуға қатысты өз ұсыныстары мен тілектерін білдірді.
