ШҚО-да полиция қызметкерлері студенттермен кездесулерді жалғастырып, құқық бұзушылыққа мүлдем төзбеушілікті қалыптастыруда. Осы жолы диалог алаңы көлік және тіршілік қауіпсіздігі колледжінде өткізілді, – деп хабарлайды Polisia.kz.
Диалог ашық форматта өтті: студенттер өздерін қызықтырған сұрақтарды қойып, құқықтық жауапкершілік пен өз құқықтарын қорғау туралы ақпарат алды.
Киберқылмыспен күрес басқармасының аға жедел уәкілі Нұрай Арыстанбек жастарға күнделікті өмірде кездесетін нақты қауіптер туралы айтып берді. Әңгіме интернеттегі қауіпсіздік, заңсыз әрекеттерге жауапкершілік және ойланбастан жасалған шешімдердің салдары туралы болды.
Сонымен қатар қаржылық қауіпсіздік мәселелері де қаралды. Прокуратура өкілдерімен бірлесіп студенттер қаржылық пирамидалардың қалай жұмыс істейтінін, экономикалық құқық бұзушылықтарға қатысудың қандай қауіптері бар екенін және күмәнді табыс көздеріне сыни тұрғыдан қараудың маңызын білді.
– Заң – тек ереже жинағы ғана емес, ол жеке қауіпсіздіктің кепілі. Біздің мақсатымыз – жастардың бүгіннен бастап өз шешімдерінің себебін түсінуіне көмектесу, — деп атап өтті кездесуге қатысушылар.
