Жамбыл облысында полиция қызметкерлері 12 мыңнан астам мектеп бітіруші түлекті бақылайды, – деп хабарлайды Polisia.kz.
12-15 маусым аралығында мектеп бітіру кештерін өткізуге байланысты тәртіп сақшылары тәулік бойы күшейтілген режимде қызмет атқарады. Салтанатты және бейресми жиындарды өткізу кезеңінде түлектердің қауіпсіздігін қамтамасыз ету бойынша қажетті ұйымдастырушылық және тәжірибелік шаралар қабылданды.
Айта кетерлігі полицейлер облыс бойынша 12 121 түлекті тексереді. Осы аралық қарсаңында полиция қызметкерлері түлектермен және олардың ата-аналарымен, ойын-сауық мекемелерінің иелерімен және дүкендері бар жеке кәсіпкерлермен 5,7 мыңнан астам профилактикалық әңгіме өткізді.
Мектеп бітіру кештері кезінде ата-аналар балаларына ерекше назар аударуы керек.
– Бітіру кеші – оқушылар мен олардың ата-аналары үшін ең көптен күткен мереке. Естеріңізге сала кетсек, салтанатты іс-шараларда алкоголь ішуге, темекі шегуге және тыйым салынған заттарды қолдануға тыйым салынады. Сондай-ақ, тыйым салынған жерлерде шомылудан, жол қозғалысы ережелерін бұзудан бас тартқан жөн. Баршамызда осы күн туралы тек жағымды эмоциялар мен естеліктер қалғанын қалаймын, – дейді Жамбыл облысы ПД ЖПҚБ ювеналды полиция тобының ерекше тапсырмалар жөніндегі аға инспекторы Әлішер Қалышев
