27 тамыздан бастап Жамбыл облысының аумағында «Абайлаңыз-балалар! » атты республикалық жедел алдын алу іс-шарасы басталды, – деп хабарлайды Polisia.kz.
Іс-шараның негізгі мақсаты – балалардың жол-көлік апаты салдарынан жарақаттануының алдын алу, сондай-ақ балалардың көшелер мен жолдардағы қауіпсіз жүруіне байланысты дағдыларын қалыптастыру.
Жедел алдын алу іс-шарасы екі кезеңде өткізіледі. Біріншісінде полицейлер коммуналдық қызмет өкілдерімен бірлесіп, жол бойындағы оқу орындары мен балаларға қосымша білім беру мекемелерінің жанында жол инфрақұрылымына тексеру жұмыстарын жүргізеді. Сондай-ақ, кәмелетке толмаған жолаушыларды тасымалдайтын автобус саябақтары мен автобустарды тексеру жүзеге асырылады.
Берілген нұсқамалар бойынша қабылданып жатқан шаралардың нәтижесінде облыстың көлік жолдарында 798 жол белгісі орнатылды, 3,5 мың шақырымға жуық жол таңбасы салынды, 12 жол буфері ауыстырылды, сондай-ақ 3,5 мыңнан астам қисық сызықты жолақ қалпына келтірілді, 5 бағдаршам нысаны, 9 билборд, 18 пано орнатылды.
Екінші кезеңде жүргізушілермен және жаяу жүргіншілермен тікелей жұмыс жүргізіледі, жалпы білім беретін мектептерде – оқушыларға арналған семинарлар мен дәрістер, жол қозғалысы ережелерін сақтау және жол-көлік оқиғаларының алдын алу тақырыбында ата-аналар жиналыстары мен дөңгелек үстелдер өткізіледі.
Ювеналды полиция қызметкерлері білім беру мекемелерінің жұмыс кабинеттері мен іргелес аумақтарындағы жағдайды бақылау үшін мектептердің бейнекамераларына күнделікті мониторинг жүргізетін, адамдар мен объектілерді сәйкестендіретін, сондай-ақ рұқсатсыз кіру деректерін бақылайтын болады.
– Ата-аналарды балалармен жолдан өту кезінде өте мұқият болу, жол қозғалысы ережелерін қалай сақтау керектігін жеке мысалмен көрсетуге шақырамыз. Көлік жүргізушілері, жолда кәмелетке толмаған жаяу жүргіншілер мен велосипедшілерге мұқият болыңыз, өйткені кейде олар жолда абдырап қалуы мүмкін, – деп атап көрсетті Жамбыл облысының ПД жергілікті полиция қызметі басқармасы бастығының орынбасары Ержан Мананбаев.
