Жамбылдық полицейлер балалар арасында асфальтқа сурет салудан байқау өткізді, – деп хабарлайды Polisia.kz.
Ел Президенті жариялаған Балалар жылы аясында, сондай-ақ Халықаралық балаларды қорғау күніне орай полицейлер облыс әкімдігімен және үкіметтік емес ұйымдармен бірлесіп, «Жарқын болашақ» атты балалар арасындағы асфальтқа сурет салудан дәстүрлі байқау өткізді.
Іс-шараның мақсаты – көркем образдар жасау, балалардың қоршаған әлемнің сұлулығы туралы түсініктерін кеңейту, эстетикалық мәдениетті қалыптастыру, жарқын болашаққа сену және дұрыс мақсаттар қою арқылы балаларға тән шығармашылық әлеуетті ашу.
Байқау облыс орталығындағы «Жастар» аллеясында өтті. Әртүрлі жастағы оқушылар түрлі-түсті борды пайдаланып, асфальтқа жарқын болашақ пен әлем туралы түсініктерін өз тұрғысынан бейнеледі. Суреттердің сюжеттері де түрліше болды: біреуді күн бейнесіндегі әлем тақырыбы шабыттандырса, ал біреулері өз отбасын және бейбіт ашық аспанды бейнелеген.
– Мен ағаштарды, күнді, кемпірқосақты бейнеледім, өйткені таза табиғатсыз болашақ мүмкін емес деп ойлаймын. Мен өзімнің жұмысыммен қоршаған ортаны ластамау қаншалықты маңызды екенін жеткізгім келеді. Бүгінгі байқау маған өз ойымды барынша айқын білдіруге мүмкіндік берді, – деді Гайдар атындағы №35 орта мектеп оқушысы Исматула Алиев.
Бұдан кейін қатысушылардың назарына Жамбыл облысының ПД арнайы мақсаттағы бөлінісінің жауынгерлік тәсілдері бойынша көрнекі көрсетілімдері ұсынылды.
Мерекелік іс-шара соңында барлық қатысушылар Жамбыл облысының ПД бастығы Арманбек Баймурзиннің атынан алғыс хаттармен марапатталды.
– Бүгін біз балаларға мереке ұйымдастырып, жақсы көңіл-күй сыйлағымыз келді. Әрбір баланың дені сау және ата-анасының қамқорлығынан шет қалмағанын қалаймыз. Аспанымыз әрқашан ашық болсын, басталған әрбір жаңа күн берекелі және қызықты болсын. Ата-аналарға шыдамдылық, төзім мен сәттілік тілейміз. Балалардың бақытты және қауіпсіз балалық шағы үшін біз үлкен жауапкершілікте екенімізді ұмытпаңыздар, – деп тұжырымдады Жамбыл облысының ПД ЖПҚБ ювеналды полиция тобының аға инспекторы Оксана Семенова.
