Жамбыл облысының Сарысу ауданында «Құқықтық тәртіп» жедел-алдын алу шарасы өткізілуде, – деп хабарлайды Polisia.kz.
22-24 желтоқсан аралығында Сарысу ауданында «Құқықтық тәртіп» жедел-профилактикалық іс-шарасы өткізілуде.
Іс-шараның басты мақсаты – азаматтардың қауіпсіздігін қамтамасыз ету, құқықтық тәртіпті сақтау, қылмыстардың алдын алу және ескерту болып табылады.
– Осы мақсатта Сарысу аудандық полиция бөлімінің барлық жеке құрамы қызмет атқарудың күшейтілген түріне көшірілді. Қоғамдық орындар мен көшелерде құқық бұзушылықтардың алдын алу және жолын кесу бойынша қосымша шаралар қабылданды, тұрғын үй кешендерінің аулаларында, халық көп баратын орындарда жаяу жасақтардың патрульдеуі күшейтілді. Осыған байланысты барша тұрғындарды құқықтық тәртіпті сақтауға шақырамыз, – деді аудандық полиция бөлімінің бастығы Асхат Алметов.
👍👍👍👍👍