Үздік жедел уәкіл деп танылған полиция подполковнигі Арман Ибрагимов Polisia.kz редакциясына қызметінің қыр-сырын айтып берді.
Арман Ибрагимов 2007 жылы ҚР ІІМ Алматы заң колледжін бітіргеннен кейін Алматы облысы мен Алматы қаласы полициясының жедел қызметтерінде жұмыс істеді. Қазіргі уақытта оның қызметі қарақшылық шабуылдар мен тонауды ашумен байланысты.
Оның қызметі – бұл үнемі қауіп және қылмыспен күресу, мұнда әр іс толық күш жұмсауға талап етеді. Ол көптеген қылмыстың ашылуына үлес қосқан. Әрқайсысында өзіндік қауіп-қатер болғаны сөзсіз.
– Жедел уәкілдің жұмысы төзімділікті, аналитикалық қабілеттерді және кез келген жағдайға тез әрекет ету қабілетін талап етеді. Бұл қателікті кешірмейтін қызмет, өйткені адамдардың қауіпсіздігі бірінші орында, – дейді Ибрагимов.
Сондай-ақ Арман үшін жанұясының тыныштығы өте маңызды Ол үш баланың әкесі және олар оған барлық қиындыққа қарамастан қызметті үлкен жауапкершілікпен атқаруға күш береді.
– Отбасым – менің тірегім. Олар менің жұмысымның қауіпті екенін түсінеді, бірақ мені барлық жағынан қолдайды. Олардың арқасында мен қызмет пен жеке өмір арасындағы тепе-теңдікті ұстаймын, – дейді ол.
Оның жұмысының маңызды бөлігі – әріптестермен үнемі өзара әрекеттесу, ақпаратты талдау және жедел іс-шараларды өткізу.
– Қылмысты ашу – бұл топтық жұмыс, өйткені бөліністердің әрбір мүшесі өз үлесін қосады. Біздің міндетіміз – қылмыскерлерді анықтау ғана емес, сонымен қатар қылмыстың алдын алу. Біз күн сайын түрлі оқиғалармен бетпе-бет кездесеміз және қоғамда қауіпсіздік сақтау үшін қолдан келгеннің бәрін жасаймыз, – деді А.Ибрагимов.
Барлық қиындықтарға қарамастан, Арман өз кәсібінде нағыз шебер, өйткені заңды қорғау және адамдарға көмектесу – оның өмірдегі ең маңызды әрекеттерінің бірі.
