Алаяққа сенген атыраулық әйел 5 млн теңгесінен айырылды, – деп хабарлайды Polisia.kz.
21 желтоқсан күні Атырау қаласы Полиция басқармасының «102» нөміріне қала тұрғыны арызданған. Ол өз арызында бейтаныс адам жер алып беремін деп 5 млн теңге ақшасын алаяқтық жолмен қалтаға басқанын айтқан.
– Осы жайттан кейін ПД Криминалдық полиция бөлімінің қызметкерлері жедел-іздестіру іс-шараларын жүргізіп, күдікті ретінде Атырау қаласының 36 жастағы тұрғынын анықтап, ұстады. Қазіргі таңда аталған дерек бойынша Қазақстан Республикасы Қылмыстық кодексінің 190-бабының 3-бөлігімен (Алаяқтық) сотқа дейінгі тергеп-тексеру амалдары жүргізілуде, – деді Атырау облысы Полиция департаментінің бастығы Қамза Үмбетқалиев.
