Жетісу облысы ПД-да облыстық семинар-кеңес өтті, — деп хабарлайды Polisia.kz.
Жетісу облысы полиция департаментінде ішкі істер органдарының құқықтық бөлімшелерінің құрылымы мен қызметінің тиімділігін арттыру мәселелері бойынша облыстық семинар-кеңес өтті. Іс-шараны Қазақстан Республикасының Ішкі істер министрлігінің Заң мен норма шығармашылығын үйлестіру департаменті бастығының орынбасары Шүлден Ермек Сыпабекұлы жүргізді.
Кездесу барысында ол құқықтық қызметті ұйымдастырудың жаңа әдістерімен бөлісті, ішкі үрдістерді заманауи құқықтық талаптарға сәйкестендіру жөніндегі өзекті міндеттерді атады және құрылымдар арасындағы жүйелі өзара әрекеттестіктің маңыздылығын атап көрсетті.
Семинар-кеңес жұмысына прокуратура өкілдері, Мемлекеттік қызмет істері және қазынашылық департаментінің қызметкерлері, сондай-ақ Алматы қаласы мен Алматы облысы полиция департаменттерінің заң бөліністерінің қызметкерлері қатысты. Қатысушылар құқықтық нормаларды қолдану тәжірибесі, нормативтік реттеу және ведомстволар арасындағы өзара іс-қимыл мәселелерін талқылап, құқықтық тәртіпті нығайту мен қызметкерлердің кәсіби біліктілігін арттыруға бағытталған маңызды ұсыныстар айтты.
