Құқық қорғау органдарының қызметкерлері Жетісу мен Алматы облысының аумағында жүргізілген “Браконьер” республикалық іс-шарасы барысында 110 құқық бұзушылықты анықтады, – деп хабарлайды Polisia.kz.
Құқық қорғау органдарының қызметкерлері Жетісу мен Алматы облысының аумағында “Браконьер” республикалық іс-шара шеңберінде рейд өткізіп жатыр.
Мобильді топтардың құрамына полицейлер, балық инспекциясы және басқа да мүдделі ведомстволардың қызметкерлері кіреді. Рейдтер барысында топтар тікұшақ пен арнайы автокөліктерді пайдаланылды.
– Екі апта ішінде Жетісу облысының аумағында табиғат қорғау заңнамасының саласында 110 құқық бұзушылық анықталды. Тіркелген фактілер бойынша 3 қылмыстық іс қозғалды, 107 құқық бұзушы әкімшілік жауапкершілікке тартылды, олардан 3 тоннадан астам заңсыз ауланған балық, 4 атыс қаруы, 1 жүзу құралы және 2 электртүрлендіргіш тәркіленді, – дейді Жетісу облысы ПД табиғатты қорғау полициясында.
Республикалық іс-шара 19 қарашаға дейін жалғасады. Полиция азаматтарды өңірдің табиғи байлығын қорғауға шақырады. Естеріңізге сала кетейік, табиғатты қорғау заңнамасы бойынша заңсыз әрекеттер қылмыстық және әкімшілік жазаға әкеп соғады.
