Жетісу облысында профилактикалық кездесу өтті, - деп хабарлайды Polisia.kz.
Текелі қаласындағы балалар лагерінде "Полиция – балалар қауіпсіздігінің кепілі" атты профилактикалық іс-шара өткізілді. Шараның басты мақсаты — жазғы демалыс кезінде балаларда құқықтық сауаттылықты арттырып, тәртіп сақшыларына деген сенімді қалыптастыру.
Полицейлер оқушыларға көшеде, қоғамдық орында, бөтен адаммен әңгімелескенде және интернетте қалай қауіпсіз болу керектігі туралы кеңес берді. Олардың айтуынша, қауіпті немесе алаңдаушылық тудыратын жағдайларда полицияға жүгінуден қорықпау өте маңызды.
Іс-шара барысында тәртіп сақшылары тек ересектердің ғана емес, әрбір баланың қауіпсіздігіне жауапты екенін атап өтті. Достық атмосферасында өткен кездесуде балалар сұрақтарын қойып, әңгімеге белсенді қатысып, өз пікірлерін жеткізді.
Осындай кездесулер өскелең ұрпаққа заңға деген құрмет пен қиын сәтте көмекке жәрдемдесетін адамдар әрдайым бар деген сенімді қалыптастыруға үлес қосады.
