Жетісу облысында қоғамдық орында мас күйде жүрудің 100-ден астам дерегі тіркелді, - деп хабарлайды Polisia.kz.
Жетісу облысының аумағында 20-29 қаңтар аралығында республикалық “Тұрмыс” жедел-профилактикалық іс-шарасы өткізілуде. Бұл шараның негізгі мақсаты – отбасылық-тұрмыстық қатынастар саласында құқық бұзушылықтар мен қылмыстардың алдын алу және болдырмау.
https://youtu.be/UQH87RAx68w
Профилактикалық жұмыстың алғашқы жеті күнінде облыс аумағында келесідей шаралар атқарылды:
• 53 қорғау нұсқамасы шығарылды;
• Сотпен 17 ерекше талап қойылды;
• 17 азаматқа спирттік ішімдікті пайдалануға тыйым салынды;
• Жалпы 61 азамат ішкі істер органдарының тізімдік есебіне енгізілді.
Тексеріс барысында қорғау нұсқамасын бұзудың 6 дерегі, ерекше талаптарды бұзудың 5 дерегі анықталды.
Іс-шара аясында қылмыстың алдын алу мақсатында қоғамдық тәртіпті бұзу жағдайлары анықталып, төмендегідей деректер тіркелді:
• ҚР әкімшілік құқық бұзушылықтар туралы кодексінің 440-бабы бойынша (қоғамдық орындарда мас күйде жүру немесе спирттік ішімді ішу) – 124 құқық бұзушылық;
• 200-бабы бойынша (алкоголь өнімін сату ережелерін бұзу) – 12 дерек;
• 423-1 бабы бойынша (21 жасқа толмағандарға темекі өнімдерін сату) – 2 дерек.
Жасөспірімдер қауіпсіздігін қамтамасыз ету және ата-аналардың жауапкершілігін арттыру мақсатында арнайы жұмыстар жүргізілуде. Түнгі уақытта кәмелетке толмағандардың заңды өкілдерінсіз жүруі бойынша (442-бап) 127 әкімшілік құқық бұзушылық анықталды.
“Тұрмыс” іс-шарасы құқық бұзушылықтардың алдын алуға бағытталған маңызды қадамдардың бірі. Құқық қорғау органдары отбасылық-тұрмыстық саладағы заң бұзушылықтардың әрбір фактісін ерекше бақылауға алып, қоғамдағы қауіпсіздік деңгейін арттыру үшін жан-жақты жұмыс жүргізуде.
