Жетісу облысының полицейлері браконьерлерді ұстады, – деп хабарлайды Polisia.kz.
Браконьерлерді ұстау «Охотзоопром» қызметкерлерінің көмегімен Қаратал ауданының аумағында жүргізілді. Алматы облысының 4 тұрғыны күдікке ілінді. Ұсталғандардың көлігінен құқық қорғау органдары ҚР Қызыл кітабына енгізілген үш жабайы жануардың, шамамен қарақұйрықтың тұтас етін тапты.
– Атылған жануарлардан басқа олардан екі аңшылық мылтық тәркіленді. Қажетті сараптамаларды тағайындаумен бірге сотқа дейінгі тергеп-тексеру ҚК-нің 339-бабы (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) бойынша жүргізіледі, – деп хабарлады облыстық табиғат қорғау полициясының аға инспекторы Бағлан Рымжанов.
