Ақсу ауданында полиция қызметкерлері жоғалған малды иесіне тауып берді, – деп хабарлайды Polisia.kz.
Өңірлік полиция департаментіне жергілікті тұрғын келіп, Ақсу ауданының полицейлеріне алғысын білдірді. Анықталғандай, тәртіп сақшылары әйелге жоғалған малын тауып, мүлкін қайтарып берді.
Ауыл тұрғындары үшін төрт-түлік малын жоғалту – ірі материалдық шығынға жатады. Себебі ол тікелей отбасының әл-ауқатына әсер етеді. Полицияның үйлесімді әрі кәсіби жұмысының арқасында жоғалған мал табылып, иесіне қайтарылды.
Әйел полицейлердің жоғары кәсібилігін ғана емес, сондай-ақ олардың адами қарым-қатынасын ерекше атап өтті. Оның айтуынша, тәртіп сақшылары ресми міндетпен ғана шектелмей, шын жүректен көмектесуге мүдделілік танытқан.
Жетісу облыстық полиция департаментінде атап өткендей, қоғамдық тәртіпті қорғау мен азаматтардың құқықтарын сақтау – полицияның басты міндеттерінің бірі, ал осындай мысалдар қоғамның тәртіп сақшыларына деген сенімін нығайта түседі.
