Жетісу полицейлері нашақорлыққа қарсы ұранымен жастар арасында шахмат турнирін өткізді, – деп хабарлайды Polisia.kz.
Жетісу полицейлері жас ұрпақты есірткінің зиянды әсерінен қорғау үшін барлық тәсілдерді қолданады. Бұл жолы құқық қорғау органдары Талдықорған жастары арасында ашық аспан астындағы шахмат турнирін бірлесіп ұйымдастырды.
– Шахмат турнирінің қатысушылары шахмат ойыны интеллекті мен логиканы дамытатын, өзін-өзі ұстай алатын және қарсыластың қимылдарын есептей алатын пайдалы әрекет қана емес, сонымен қатар зиянды тәуелділіктерге тамаша балама екенін дәлелдеді. Шахмат – бұл өмірлік жағдайларға ең жақын спорт түрі. Шахматтың ережелері өмір сүру ережелеріне ұқсайды, – деп атап өтті ПД ЕҚҚІҚБ жедел уәкілі Әйгерім Қожахметова.
Мұндай іс-шаралардың мақсаты – есірткінің адам ағзасына теріс әсері туралы айтып қана қоймай, жастарға қажетті бос уақытты ұйымдастыруға көмектесу, сондай-ақ оларға салауатты өмір салтын ұстану әдетін қалыптастыру.
Барлық жас шахматшыларға сыйлықтар табысталды. Дәстүр бойынша полицейлер ақпараттық жадынамалар таратып, жастарға сенімді байсалдылық пен рух тазалығын тіледі.
